Къарачай-Черкесия шахар мюлкню цифровизация этиуден танг джетишимлеге ие болгъанды. Бютеу Эресейде бардырылгъан «IQ Городов 2024» рейтингде ол 47 оруннга чыкъгъанды.

Эресей Федерацияны Къурулуш министерствосу 2018-чи джылдан бери бардырады бу тукъум рейтингни. Шахарны джашаууна цифралы технологияланы сингдириуню «акъыллы шахарланы» ёсюмлеринде магъаналары уллуду.
«Центр компетенций «Умный город» АНО-ну эксперт советини председатели Анатолий Курманов КъЧР-ни юсюнден кёб джылы сёз айтхады.
– Быйыл регион IQ шахарла бла байламлы кёргюзюмлени 100 процентге толтургъанды. ТОП-10-ну тизимине кирмегенликлерине, КъЧР-ни муниципал къуралышлары джашил зонагъа тюшгендиле, ала кеслери эсеблеген мардаладан алгъа чыкъгъанларын чертерге тыйыншлыды. Биз коллегаларыбызны ишлерине сёз табаллыкъ тюлбюз, – дегенди Анатолий Курманов.
Бу рейтингде 86 регионну эмда джюзле бла муниципал къуралышланы ишлерине багъа берилгенди. Черкесскени кёргюзюмлери 2018-чи джылгъа кёре 30 процентге ёсгендиле.
Шахар мюлкге цифровизацияны сингдириу шахарны айнытыугъа себеблик этгенин эсге алсанг, аны магъанасын толу ангылайса – Къарачай-Черкесияны власть органлары, джангы джол бла таукел барыб, миллетни джашауун игилендирир джанындан тыйыншлысыча къайгъыргъанларына шагъатлыкъды ол.

 
{jcomments}