Мындан алда Эресейни Тинтиу комитетини Къарачай-Черкесияда управлениесини Къарачай шахарда бёлюмю, ЗАГС-ны район бёлюмюню алгъыннгы тамадасына ачылгъан терслеу ишни тинтиб бошагъанды.

Ол, федерал законну излемин бузуб, къуллугъуну юсю бла аманлыкъ иш этгенди деб, терсленеди.
Бардырылгъан тинтиуню ахыр эсеблерине кёре, ЗАГС-ны район бёлюмюню тамадасы къуллукъну толтургъан адам, кесини танышына болушургъа излеб, къуллугъун хайырландырыб, анга ётюрюк «Свидетельство о заключение брака» документ къагъыт джарашдырыб бергенди. Анда джергили джашагъан бир тиширыу бла бир эркиши эр-къатын болдула, деб джазылгъанды. Ала уа бир юйдеги болмагъандыла.
Тинтиуле бардырылгъан заманда джыйылгъан материалла терслеу ишни сюдге берирге джетишедиле.
Ол тиширыу бусагъатха дери да, ёлгенлени рысхылары бла байламлы аллай алдауукъ иш этгенди.

 

Эресейни Тинтиу управлениесини Черкесск шахар бёлюмю джергили джашагъан бир адамгъа ачылгъан терслеу ишни тинтиб бошагъанды. Ол уллу къуллукъда ишлеген адамгъа, бир ишни джорукъсуз этдирир ючюн, улху бергенди, деб терсленеди.
Ачыкъланнганына кёре, быйыл элия (июль) айны 22-де, законну бузуб терекле кесгени ючюн, сюд этилген бир адам, экинчи кере да алай болуб къалырма да деб къоркъгъанды. Ол мадар излей, Эресейни ФСБ-ны Къарачай-Черкесияда управлениесинде аллай ишлеге джууаблы къуллукъчугъа, ол аны юсю бла тинтиу ишле бардырмай къояр ючюн, 295 минг сом ачха бергенди. Закон-джорукъ сакълагъан органланы къуллукъчулары, оператив экспериментни тамалында, ол адамгъа ачха бермеге къоюб, артда тутхандыла, берилген ачханы да алгъандыла.
Тинтиу ишлени бардыргъан сагъатда джыйылгъан материал ишни сюдге берирге, аны терслерге джетишеди.

Эресейни Тинтиу комитетини Къарачай-Черкесияда управлениеси.

 
{jcomments}