Тёбен Новгород шахарда «Леса России» деген ат бла бардырылгъан форумну пленар кенгешинде Чегет мюлклени федерал агентствосуну тамадасы Иван Советников 2024-чю джыл чегетчилик санагъатда регионла баджаргъан ишлеге салыннган багъаны юсюнден сёлешгенди.

Ол Эресей Федерацияны субъектлерини ишлерине, табигъат энчиликлери эсге алыныб, багъа берилгенин чертгенди.
Къарачай-Черкес Республика, 2024-чю джыл чегет мюлкню файдалы хайырландырыу бла Шимал Кавказ округну субъектлерини арасында 2-чи орунну алгъанын айтханды.
Бизни регионда чегетлени контролда тутуу, алагъа къарау дегенча джумушла мийик дараджада бардырылгъандыла.
Алай бла, агъач хазырлау, бюджетге ачха тёлеу белгиленнгенича бир болгъанды. Кесилген тереклени орунларына джангы гитче терекчикле орнатылгъандыла – къоранч болмагъанды.
Бу затха берилген ашхы багъа, мындан ары да регионну чегет мюлклеринде бардырылгъан ишлени дараджаларын кёлтюрюрге мадар берликди. Алай бла, этилген джумушланы себебинден, мийик кёргюзюмлеге джетерча хал къураллыкъды.

 
{jcomments}