«Россети Шимал Кавказ» компанияны Къарачай-Черкес бёлюмюню усталары Къарачай шахарда 24 мингнге джууукъ адамны электрокъууат бла баджаргъан сетлени болумларына къарагъандыла.

Иш этиб джарашдырылгъан лабораторияны болушлугъу бла 10/0,4 кВ трансформатор подстанцияланы барысын да тинтгендиле энергетикле. Бусагъатда адамла къаллай бир электрокъууат джойгъанларын, приборланы ишлеулерин, кесаматлада джазылгъанны эсеблеу барады.
– Къарачай шахар округну ток бла баджаргъан юлешиучю сетлери компанияны Къарачай-Черкес бёлюмюне ортакъгъа 2024-чю джыл берилгендиле. Сетледе артыкъ джоюм болмаз ючюн, биз техника эмда ишни игилендириу джаны бла кёб джумуш этерге керек болабыз.
Тинтиу ишле комплекс халда бардырылсала, болумну тюзюча ачыкълайдыла эмда анга кёре тыйыншлы бегим этерге мадар бередиле, – деб хапар айтханды компанияны Къарачай-Черкес бёлюмюню директоруну борчларын толтургъан Гочияланы Марат.
Эресейни Правительствосуну 807-чи номерли бегими бла 2022-чи джыл арттотур (апрель) айны 30-да энергообъектлени бирикдиргендиле, аны себебли «Къарачай-Черкесскэнерго» филиалгъа 70 трансформатор подстанция (10/0,4 кВ) 135,3 километр хауа эмда кабель линия (0,4/10 кВ) берилгендиле.

 
{jcomments}