Багъалы эресейчиле! Донецк, Луганск Халкъ республикала, Запорожье бла Херсон областла да Эресейни къурамына киргенлерини кюню бла барынгы да хакъ джюрекден алгъышлайма!
Юч джылны мындан алда бизни къарнашларыбыз бла эгечлерибиз, башларына тюз оноу этиб, Донбасс бла Новороссияда бардырылгъан референдумда Ата джуртлары Эресей бла бир болургъа излегенлерин билдиргендиле.
Биз да, алагъа кёл бериб, болушуб, сыйлы борчубузну толтургъанбыз, алай этгенибиз бла ёхтемленебиз.
Бюгюнлюкде ол оноуну джакълай, бизни аскерчилерибиз тюзлюк ючюн урушну бардырадыла. Къалгъанла да, алагъа билек болуб, Хорламны джууукълашдырыр муратда, къолдан келгенни этедиле.
Биз барыбыз да бирге Ата джуртубузгъа сюймеклигибиз, тарих къадарыбызны бирлиги ючюн къазауат этебиз, бурундан бир болгъан миллетибизни, тилибизни, маданиятыбызны, адетлерибизни сакълар ючюн кюрешебиз. Ол затлагъа баш магъана бериб, уллу джигитликле этген ата-бабаларбызыны, Эресейни керти патриот тёлюлерини разылыкъ бла эсгериу, аланы джоллары бла барыу бизни борчубузду.
Владимир Путин, РФ-ны Президенти.
Къарачай-Черкесияны хурметлик джамагъаты!
Биз тарих магъаналы байрамны – Донецк, Луганск Халкъ республикала да, Запорожье бла Херсон областла да Эресейни къурамына киргенлерини кюнюн – белгилейбиз.
Юч джылны мындан алгъа бизни ол регионлада адамларыбыз кеси излемлери бла тарих джуртларыны къурамында рахат джашауну сайлагъандыла.
Ол оноуларыны себебинден Эресейни джангы регионларына ёсюмню джолу ачылгъанды.
Миллетчиледен азатланнган джерледе джангыртыу, къурулуш ишле тири бардырыладыла. Саулукъ сакълау, билим бериу учреждениеле ишленедиле, инфраструктура джарашдырылады. Бир юйюрдеча, Эресейни бютеу регионлары да джангы къошулгъанлагъа бу джумушланы баджарыргъа болушлукъ этедиле.
Аскер къаугъада да келир заманыбызны рахытлыгъын, сабийлени, туудукъланы насыблы джашауларын бирге-бирге джакълайбыз.
Биз бир миллетбиз! Биз Президентибиз бла биргебиз! Биз кесибизни кишиге да хорлатырыкъ тюлбюз!
Темрезланы Рашид, КъЧР-ни Башчысы.




