Джыйылгъан джамагъат да залны толтуруб, чам-накъырда орун ала, адамла бир-бирлерине джарыкъ тёгедиле. Артистле, къараучуланы алларында джырлаб, тепсеб кёллерин кёлтюрдюле. Кюн тау башындан къараса, сейир гюлле чапыракъларын ачыб, башчыкъларын аны джылыууна бургъанча, адамланы джюреклери къууанчха ачылыб эди.
Къарачай-Черкесияны культура министри Рамазан Бороков сахнагъа чыгъыб, республикабызны Башчысы Темрезланы Рашидни алгъышлауун окъуду.
«Къарачай-Черкес Республиканы орус театры фахмулу, ишлерин аламат билген профессионал адамладан къуралгъанды. Ала къралыбызны белгили баш окъуу учреждениелеринде окъугъандыла. Театрны актёрларына, аны башха къуллукъчуларына джангы мийик джетишимле, профессионал ёсюм, таркъаймагъан чыгъармачылыкъ кюч, къарагъанланы таза сюймекликлерин теджейме», - деб айтыла эди Башчыны алгъышлауунда.
Андан сора культураны министри театрны къуллукъчуларын Хурмет грамотала бла саугъалады. КъЧР-ни Халкъ Джыйылыууну (Парламентини) комитетини тамадасы Исмель Биджев да театрны ишин къурагъанлагъа Хурмет грамотала берди.
Орус театрны артистлери да джыйылгъанлагъа «Куклы», «Приезжала бабка в город» деген спектаклледен юзюкле кёргюздюле.
Къууанч джыйылыу ишин бошагъандан сора да адамла дженгил кетиб къалмай, ашхы сезимлерин бир-бирине айта, бёлек заманны турдула.
Къарачай-Черкесияны культура министри Рамазан Бороков сахнагъа чыгъыб, республикабызны Башчысы Темрезланы Рашидни алгъышлауун окъуду.
«Къарачай-Черкес Республиканы орус театры фахмулу, ишлерин аламат билген профессионал адамладан къуралгъанды. Ала къралыбызны белгили баш окъуу учреждениелеринде окъугъандыла. Театрны актёрларына, аны башха къуллукъчуларына джангы мийик джетишимле, профессионал ёсюм, таркъаймагъан чыгъармачылыкъ кюч, къарагъанланы таза сюймекликлерин теджейме», - деб айтыла эди Башчыны алгъышлауунда.
Андан сора культураны министри театрны къуллукъчуларын Хурмет грамотала бла саугъалады. КъЧР-ни Халкъ Джыйылыууну (Парламентини) комитетини тамадасы Исмель Биджев да театрны ишин къурагъанлагъа Хурмет грамотала берди.
Орус театрны артистлери да джыйылгъанлагъа «Куклы», «Приезжала бабка в город» деген спектаклледен юзюкле кёргюздюле.
Къууанч джыйылыу ишин бошагъандан сора да адамла дженгил кетиб къалмай, ашхы сезимлерин бир-бирине айта, бёлек заманны турдула.
Лепшокъланы Хусеин.
{jcomments}
