Къарачай-Черкесияда «Эсгериуню терек бачхасы» деген акцияны тамалында быйыл арттотур айны 19-дан 22-не дери 1,5 минг адам терек орнатырыкъды.

Айтыргъа, тёрт кюнню ичине тогъуз минг терек салыр мурат барды. Бу мамматлыкъны баш «къылчыгъы» Къарачай шахарда «Джашил айрымкан» паркда ётерикди. 2024-чю джылны Эресейни Президенти Юйдегини джылы этиб баямлагъанды. Аны себебли халкъла арасы бу акция «Юйдегини эсгериуню терек бачхасы» деген белги бла бардырыллыкъды. Бу акциягъа багъышланнган ишле бирикмеклик бла, тарих бла, юйдегини къачын этиу бла байламлы боллукъдула.
Айтыргъа, акция башланыргъа кёб къалмагъанды. «Эсгериуню терек бачхасы» деген акция – ол чегетлени айнытыуну джазгъы федерал компаниясыды. Джыл сайын анга къошулгъан адамланы кючлери бла 27000000 терек салыннганды. Ала Уллу Ата джурт къазауатда эмда спецоперацияда ёлгенлени сыйларына орнатыладыла.
Анга ким да къошулургъа боллукъду, аны ссылкасы былайды: https:// сад памяти 2024.рф. /map(https://xn—2022-43da1a7a9a2atr20.xn—p1ai/map)
Бу акциягъа Эресейни бютеу регионлары къошуллукъдула, аны кибик бизни кърал бла шохлукъ джюрютген 35 къралны келечилери да къатышырыкъдыла.
Тёрт джылны ичине мамматлыкъгъа беш мелиуандан аслам адам чыкъгъанды, 100 мелиуандан аслам терек орнатылгъанды. Къарачай-Черкесияда 100 мингнге джууукъ терек салыннганды.