Багъалы джердешле!
Барыгъызны да таза джюрекден Ораза байрам бла алгъышлайбыз!

Бу джарыкъ байрам адамланы джюреклерин къууанчдан, джылыудан толтурады. Хар муслиманнга магъанасы болгъан, ашхы ишлеге учундургъан, болушлукъ кереклилеге тыйыншлы эс бёлдюрген, таза джюрекден этилген тилекледен толгъан сыйлы Рамазан ай тамамланады.
Ийман байлыкъ, иннет тазалыкъ, адеб-намыс неден да баш болгъанларын эсгертген Ораза байрам халаллыкъгъа, ачыкъ джюреклиликге, болушлукъ кереклиге къайгъырыргъа юретеди. Ол шартла кёб миллетли Къарачай-Черкесияда, Эресейде джашагъан миллетлени динлерине да джууукъдула.
Бу байрам джууукъларыгъызгъа, тенглеригизге джарыкъ бетден тюбетсин, джюреклеригизни къууанчдан толтурсун. Республикабызны хар юйдегисине да ашхылыкъла теджейбиз. Келир бу заманнга да къууанч бла джетейик!