Бу кюнледе Москвада Къарачай-Черкесияны Башчысы Темрезланы Рашид Кърал мюлкню хайырландырыуну хакъындан федерал агентствону тамадасы Вадим Яковенко бла тюбешгенди.

Тюбешиуде Къарачай-Черкесияда кърал мюлкню файдалы хайырландырыуну юсюнден сёлешиннгенди.
Темрезланы Рашид бла Вадим Яковенко джерлени, башха рысхыны юсю бла иш джюрютюуню кенгертиб, экономиканы айнытыргъа джарарыкъ магъаналы ишлени бирге толтурууну юсюнден оноулашхандыла.
Вадим Яковенко Къарачай-Черкесияда толтуруучу властны органлары Кърал мюлкню хайырландырыуну хакъындан федерал агентство бла къысха байламлылыкъ джюрютгенлерин, аны себебинден бизни регионда кърал мюлк экономиканы ёсдюрюрге джараулу хайырландырылгъанын чертгенди.
Тюбешиуню ахырында Башчы бла федерал къуллукъчу регионубузну туризм, эл мюлк, промышленность санагъатларын айнытыр мадарла этерге келишгендиле.