Кюнбатышда къралла АБШ бла бирлешиб, Украинаны миллетчилерин Эресейге удуб, Ата джуртубузну онгун алыргъа излеген кёзюуде РФ-ны Президенти Владимир Путинни къралыбызны политикасын джакълаугъа аталгъан оноуу бла башланнган спецоперациягъа къошулуб, аскер борчларын бюсюреулю толтургъан, Украинаны къыйын болумгъа тюшген миллетине болушуб, бюсюреу табхан джердешлерибиз бла ёхтемленебиз!

Махтаулу уланларыбызны хапарларын бютеу джамагъатха билдирир мурат бла ачхан «Z спецоперацияны джигитлери» деген рубрикабызны бардырабыз. Аны тамалында окъуучуларыбызны Къарачай шахардан Кийикланы Хамитни джашы Алим бла шагъырей этерге излейбиз.
Бу кёзюуде СВО-да 01485-чи номерли бригаданы къурамында аскер къуллугъун махтаулу толтургъан джердешбизни чомартлыгъына уллу бюсюреу эте, Куйбышевский муниципал округну Запорожск областыны администрациясыны башчысы Белов Кирилл Геннадиевич, Кийикланы Алимге, ашсыз-суусуз къалыб, инджилиб тургъан джергили украиначылагъа керекли затланы элтиб, болушханы ючюн, джюрек разылыгъын билдиргенди.
Республикабызны атын махтау бла айтдыргъаны ючюн, Алимге разылыгъыбызны биз да билдиребиз. Кийик улу да, башха аскерчилерибиз да, хорлам бла юйлерине сау-эсен келирлерин ашыгъыб сакълайбыз.

ТЕШЕЛЛЕУЛАНЫ Зульфия.