Къарачай-Черкесияны Башчысы Темрезланы Рашид республиканы юбилейин белгилеу бла байламлы Кремль Къалада Россияны Федерал Джыйылыууну Федерацияны Советини Председатели Матвиенко Валентина бла Россия Федерацияны Президентини Администрациясыны Башчысыны биринчи заместители Кириенко Сергейге КъЧР-ни социал-экономика эмда культура кючюню экспозициясыны презентациясын къурагъанды.
Къонакъла республиканы промышленностда, эл мюлкде, туризмде ёсюмюню джюрюшюн игиге, аны инвестицион ишин этимлиге санагъанларын билдиргендиле.

Кремль Къалада Къарачай-Черкесияны халкъларыны миллет культураларын кёргюзген кёрмюч да джарашдырылыб болгъанды. Къонакъла ары салыннган затлагъа да эс бёлюб къарагъандыла. Джаратхан да этгендиле.
Ол кёрмючню уа ары  Къарачай-Черкесияны культурасы бла искусствосуну А. Дауров атлы республикан колледжи къураб элтгенди.