Озгъан ыйыкъда Кремлде Президент Владимир Владимирович Путин Россия Федерацияны аскерлерини баш абычарлары бла тюбешди.

Ол джыйылыугъа Россияны Федерал миллет гвардия аскерини  директору, армияны генералы Виктор Золотов, аны заместители генерал-майор Сергей Милейко, генерал-майор Боташланы Казимир, генерал-лейтенант Павел Бобков, генерал-майор Николай Кузнецов, генерал-майор Евгений Токаренко да чакъырылгъан эдиле.
Тюбешиуде Президент абычарланы уллу къуллукълагъа салыннганлары бла, чынла берилгенлери бла алгъышлай, мындан ары ала къалай ишлерге кереклилерин, алларында къаллай джууаблы борчлары болгъанларын кескин айтды.

- Росгвардиячыла, Ич ишлени министерствосу эмда башха ведомствола бир-бирлери бла къысха байламлылыкъ тутуб, бир-бирин ангылаб, къуллукъларын кереклисича баджарсала, кёбчюлюк джыйылгъан джерледе къоркъуусузлукъну сакълауда уллу джетишимле этерикдиле… – деди Россия Федерацияны Президенти Владимир Владимирович Путин.