Бу кюнледе КъЧР-ни Башчысыны эмда Правительствосуну Администрациясыны тамадасыны орунбасары Хубийланы Марат республиканы Халкъ Джыйылыууну (Парламентини) депутаты, СВО-ну ветеранларыны бирлешлигини КъЧР-де регионал бёлюмюню тамадасы Мутчаланы Дахир бла тюбешгенди.

Тюбешиуде СВО-ну ветеранларына не джаны бла да кёлтюргючлюк этиуню юсюнден сёлешиннгенди.
Ушакъда аскер къаугъадан къайтханланы сагъышларын, къайгъыларын чачар мурат бла аланы эслерин спорт, аны кибик башха саулукъларына файдалы затлагъа бёлдюрюр мадарла къураугъа уллу магъана берилгенди.
Хубий улу аскерчилени саулукъларын бегитиу реабилитацияны, тынчлыкълы джашауда орунлу этиуню тамалы болгъанын чертгенди. Ол джаны бла бардырылгъан ишле аскерчи джердешлерибизге рахат джашаргъа себеблик этериклерине ышаннганын айханды.
Мутчаланы Дахир да депутат къуллугъунда айырыб эс бёлген ишлерини юсюнден да, СВО-ну ветеранларыны бирлешлиги баджаргъан джумушланы юслеринден да толу хапар бергенди. Ол айтхандан, СВО-ну ветеранларыны бирлешлиги аскер къаугъадан къайтхан джердешлерибизге не джаны бла да кёлтюргючлюк этеди, ала анда не тюрлю джарсыуларын да айтыб, болушлукъ табаргъа боллукъдула.
Тюбешиуню ахырында Хубийланы Марат регионну Правительствосу СВО бардырылгъан джерледе джердешлерибизге хар кереклини да дженгил огъуна ашырыб баргъанын, аллай джумушлагъа КъЧР-ни Башчысы Темрезланы Рашидни излеми бла къуралгъан Бирикген штаб къарагъанын чертгенди.

 
{jcomments}