Къыркъаууз (сентябрь) айны 25-де Къарачай-Черкесияны Башчысы Темрезланы Рашид РФ-ны Правительствосуну регионал ёсюмюню хакъындан комиссиясыны президиумуну кенгешине видеоконференция халда къошулгъанды.

Анда айтылгъанны юсюнден Темрез улу МАХ мессенджерде кесини каналында джазгъанды.
Башчы билдиргенден, кенгешде «Инфраструктура для жизни» деген миллет проектни да, талай федерал проектни да толтурууну юсюнден сёлешиннгенди.
Ол миллет проектни тамалында быйыл бизни республикада, саулукъ сакълау, билим бериу, спорт, маданият, инженер эмда джол коммуникацияла дегенча, 101 социал магъаналы объектде къурулуш эмда джангыртыу ишле бардырыллыкъдыла.
Дагъыда, кенгешге къошулгъанла муниципал аралыкъланы инфраструктураларын джарашдырыр, регионланы улоу инфраструктураларын джангыр-
тыр мадарланы сюзгендиле.
Ол джаны бла да Къарачай-Черкесияда джамагъат улоуну джангыртыугъа аталгъан республикан программаны проекти хазыр этилгенди.

 
{jcomments}