Къыркъаууз (сентябрь) айны 29-да, ДНР, ЛНР, Запорожье эмда Херсон областла Эресейни къурамына кирген кюннге атаб, Эркин-Шахар посёлокну орта школуну 4-чю классыны сохталары «Вектор дружбы» деген телемостха къошулгъандыла.
Ала Луганск Халкъ Республиканы Старобельск шахарыны 2-чи номерли орта школуну сохталары бла байламлылыкъгъа чыкъгъандыла.
Бу иш школланы сохталарыны арасында байламлылыкъны, шохлукъну бегитиуге джораланнганды. Телемостну кёзюуюнде сохтала школ джашауларындан, бош заманларында не бла кюрешгенлеринден бир-бирине хапар айтхандыла.
Быллай тюбешиуле сабийлени билимлерин ёсдюредиле, шохлукъну бегитир мадар бередиле.




