Мындан алда Къарачай-Черкес Республиканы Правительствосуну Председателини биринчи орунбасары Байчораланы Эльдар ишни юсю бла Ветеринар эмда фитосанитар надзордан федерал къуллукъну Ставрополь край бла Къарачай-Черкесияда управлениесини тамадасы Виктор Фетисов бла тюбешгенди.
Ала республиканы ветеринар къуллугъу республикада ветеринар эпидемиология рахатлыкъны баджарыуда ишин къалай баджаргъаныны, къуллукъну материал-техника базасын бегитиуню, ветеринар-практика ишле планнга кёре къалай толууларыны, «Меркурий» деген федерал кърал информацион системада ветеринар документлени джарашдырыуну юслеринден сорууланы сюзгендиле.
Андан сора да КъЧР-ни Правительствосуну Председателини биринчи орунбасары Байчораланы Эльдар, ветеринар къуллукъну ишин къурауну, толтуруучу властны федерал органлары бла биригиб ишлеуню, РФ-ны Президенти Владимир Путинни ветеринар санагъатда этген аманатын толтурууну юслеринден соруулагъа атаб да кенгеш бардыргъанды.
Ол ишге РФ-ны Президентини ШКФО-да Толу эркинликли келечисини Аппаратыны баш федерал инспектору Игорь Дральщиков, Ветеринар эмда фитосанитар надзордан федерал къуллукъну Ставропоь край бла Къарачай-Черкесияда управлениесини тамадасы Виктор Фетисов, Къарачай-Черкесияны Правительствосуну членлери, КъЧР-ни Халкъ Джыйылыууну (Парламентини) депутатлары, республиканы ветеринар къуллугъуну тамадалары къошулгъандыла.
Байчораланы Эльдар кенгешни ача, бюгюнлюкде эл мюлк продукцияны чыгъаргъан сагъатда джангы излемлени юсю бла, ветеринар къуллукъну ишин джарашдыргъан марда бла праволу актла тюрленнгенлерин эмда чеклери Къарачай-Черкесиягъа джетген регионлада къыйын эпизоотология болум орун алгъанын эсге ала, республикада ветеринар къуллукъну ишин бир тюрлюрек этерге кереклисин чертгенди.
Байчораланы Эльдар республиканы экономикасыны ёсюмюнде эл мюлк санагъат баш орунланы бирин алгъанын эсгертгенди. Ветеринар къуллукъ анга салыннган борчну не къадар иги толтурса, элледе джашагъанланы болумларыны, эл мюлкню ёсюмюню дараджасы да аллай бир кёлтюрюллюгюн айтханды.
Республиканы Ветеринар управлениесини тамадасы Виталий Лисовиченко управлениени ишини кёргюзюмлерини, къуллукъну ишинде орун алгъан джарсыуланы, аланы къоратыр джанындан къаллай джумушла этилгенлерини юслеринден хапар айтханды.
Кенгешде ветеринар къуллукъну материал-техника базасын бегитиуню, ишчилени айлыкъларын кёлтюрюуню юсюнден соруулагъа да къарагъандыла.
«Бизни регионла бурундан бери да эл мюлк бла, малчылыкъ бла байламлыдыла. Адамланы къоркъуусуз, экология джаны бла таза продукция бла баджарыу бизни баш ишлерибизни бириди», - дегенди Виктор Фетисов.
Ол чертгенден, ветеринар къуллукъну регионну ашарыкъ джаны бла къоркъуусузлугъун сакълагъаны аны джетишимлерини бириди. Виктор Фетисов эл мюлк товар чыгъарыучуланы продукцияларын тыш къраллагъа сатарча мадарла къураргъа кереклисин да айтханды.
Аны тышында кенгешде малла къошулуб джол чарпыула болмаз ючюн профилактика ишле бардырыргъа тыйыншлы болгъаны, эл мюлк малланы электрон тергеуге алыргъа кереклиси да чертилгенди.
Андан сора да КъЧР-ни Правительствосуну Председателини биринчи орунбасары Байчораланы Эльдар, ветеринар къуллукъну ишин къурауну, толтуруучу властны федерал органлары бла биригиб ишлеуню, РФ-ны Президенти Владимир Путинни ветеринар санагъатда этген аманатын толтурууну юслеринден соруулагъа атаб да кенгеш бардыргъанды.
Ол ишге РФ-ны Президентини ШКФО-да Толу эркинликли келечисини Аппаратыны баш федерал инспектору Игорь Дральщиков, Ветеринар эмда фитосанитар надзордан федерал къуллукъну Ставропоь край бла Къарачай-Черкесияда управлениесини тамадасы Виктор Фетисов, Къарачай-Черкесияны Правительствосуну членлери, КъЧР-ни Халкъ Джыйылыууну (Парламентини) депутатлары, республиканы ветеринар къуллугъуну тамадалары къошулгъандыла.
Байчораланы Эльдар кенгешни ача, бюгюнлюкде эл мюлк продукцияны чыгъаргъан сагъатда джангы излемлени юсю бла, ветеринар къуллукъну ишин джарашдыргъан марда бла праволу актла тюрленнгенлерин эмда чеклери Къарачай-Черкесиягъа джетген регионлада къыйын эпизоотология болум орун алгъанын эсге ала, республикада ветеринар къуллукъну ишин бир тюрлюрек этерге кереклисин чертгенди.
Байчораланы Эльдар республиканы экономикасыны ёсюмюнде эл мюлк санагъат баш орунланы бирин алгъанын эсгертгенди. Ветеринар къуллукъ анга салыннган борчну не къадар иги толтурса, элледе джашагъанланы болумларыны, эл мюлкню ёсюмюню дараджасы да аллай бир кёлтюрюллюгюн айтханды.
Республиканы Ветеринар управлениесини тамадасы Виталий Лисовиченко управлениени ишини кёргюзюмлерини, къуллукъну ишинде орун алгъан джарсыуланы, аланы къоратыр джанындан къаллай джумушла этилгенлерини юслеринден хапар айтханды.
Кенгешде ветеринар къуллукъну материал-техника базасын бегитиуню, ишчилени айлыкъларын кёлтюрюуню юсюнден соруулагъа да къарагъандыла.
«Бизни регионла бурундан бери да эл мюлк бла, малчылыкъ бла байламлыдыла. Адамланы къоркъуусуз, экология джаны бла таза продукция бла баджарыу бизни баш ишлерибизни бириди», - дегенди Виктор Фетисов.
Ол чертгенден, ветеринар къуллукъну регионну ашарыкъ джаны бла къоркъуусузлугъун сакълагъаны аны джетишимлерини бириди. Виктор Фетисов эл мюлк товар чыгъарыучуланы продукцияларын тыш къраллагъа сатарча мадарла къураргъа кереклисин да айтханды.
Аны тышында кенгешде малла къошулуб джол чарпыула болмаз ючюн профилактика ишле бардырыргъа тыйыншлы болгъаны, эл мюлк малланы электрон тергеуге алыргъа кереклиси да чертилгенди.
Лепшокъланы Хусеин.
{jcomments}
