«Россети – Шимал Кавказ» компанияны Къарачай-Черкесияда орналгъан бёлюмю 2024-чю джыл электрокъууат бла байламлы 16 мингнге джууукъ приборгъа ре

монт этер муратлыды. «Акъыллы» счётчиклени Гитче Къарачай, Къарачай, Къобан, Джёгетей Аягъы, Уруп эмда Зеленчук районлада салгъандыла.
Быйыл джылны аллындан бери энергетикле заманны излемине джууаб этген 4,3 мингден аслам устройствогъа монтаж этгендиле. Ол приборла барысы да бизни къралда чыгъарылгъандыла.
Эски счётчиклени джангылагъа ауушдургъан заманда адамладан хакъ алынмайды. «Россети – Шимал Кавказ» компания джоюмланы кеси этеди.
«Акъыллы» счётчикле ишлеб башласала, ала бла хайырланнганла аланы ауушдургъан, салгъан, къаллай бир энергия къорагъанын эсеблеген ишле бла кюреширик тюлдюле. Ол джумушлагъа энергия бла баджаргъан организация къарарыкъды.
«Акъыллы» счётчикле организациягъа кеслери толу хапар берликдиле: къаллай бир энергокъууат кюйгенин билдирликдиле, мизамны-джорукъну бузулгъанын сездирликдиле. Абонентле электрокъууатны иш этиб джарашдырылгъан пультла бла аз неда кёб кюйдюрюрге боллукъдула.
Айтыргъа, джангы счётчикле бир адамгъа да терс атлам этдирлик тюлдюле. Электрокъууатны къаллай бир къорагъаны, къол аяздача, хар кимге да ачыкъ кёрюнюб турлукъду.
«Акъыллы» счётчикле бек ышаннгылыдыла