«Тюрлю-тюрлю джамагъат бирлешликле, сууаблыкъ фондла, кърал органла спецоперация бла байламлы къыйын болумгъа тюшгенлеге болушлукъ этгенлей турадыла.

Аскерчилени джанларына къоркъуу болгъан заманда ол ишни магъанасы бек уллуду. Волонтёрла да биригиб, аскерчилеге не джаны бла да болушадыла.
Аскерчиле кърал джанындан керекли затла бла баджарылгъанлыкъгъа, алагъа джердешлерини джылы сёзлери неден да багъалыды. Аланы кёллерин джарытыр ючюн, спецоперация башланнганлы бери «Абаза» джамагъат бирлешлик гуманитар болушлукъ джыйыб, аскерчилерибизге джибергенлей турады. Бирлешликни келечилери Донецкеге талай кере баргъандыла, «Пятнашка» деген интернационал бёлекни аскерчилери бла да тюбешгендиле.
Багъалы джердешле! Биз, Эресейни адамлары, эм алгъа джигит джашланы ёсдюрген атала бла аналагъа джюрек разылыгъыбызны билдиребиз. Бютеу эресейчиле бла бирге аскерчилени сау-эсен, хорлам бла къайтырларын сакълайбыз».

Умар Кончев,
«Абаза» джамагъат бирлешликни председатели.