ГУРА КЪЫЛЫГЪЫ ТУТАРГЪА
Аман къылыкъ алыб, джан-джанын талаб тургъаннга айтылады. Гура деб гогушха айтадыла. Гура кесин кёбдюрюб, эрши-буршу этиб, озгъанны къуууб, къабаргъа чабыб, огъурсузланнган этеди. Хыны, огъурсуз къан алгъан адамны анга ушатыб айтадыла алай.
Аман къылыкъ алыб, джан-джанын талаб тургъаннга айтылады. Гура деб гогушха айтадыла. Гура кесин кёбдюрюб, эрши-буршу этиб, озгъанны къуууб, къабаргъа чабыб, огъурсузланнган этеди. Хыны, огъурсуз къан алгъан адамны анга ушатыб айтадыла алай.
ГРАУНУ АПАСЫЧА
Джашла джыйылыб шахарда ашаргъа-ичерге кирирге тебрегендиле да, Граугъа тюбеб, аны да биргелерине элтгендиле. Ашагъандыла, ичгендиле. Ачха тёлей тебрегендиле. Джашланы ачха чыгъаргъанларын эслеб, Грау да джангыз апасчыкъ табыб, аны чыгъарыб: «Джашла, къыйналмагъыз, магъыз, мени ачхамы беригиз», - дегенди. «Айхай-айхай, бизге артыкъ да иги, бер былай», - деб, джашла Грауну апасын алгъандыла. Борчларын тёлеб: «Ма, Грау, ачхангы артыгъын къайтардыла», - деб, апасны тёрт шай этиб, ызына бергендиле. Артда, элге келгенлеринде, Грау: «Бир апасым бар эди да, аны бердим да, талай джаш да болуб, ашагъан-ичген да этдик дагъыда тёрт шайым да къалды», - дегенди. (Апас - 20 капек, шай - 5 капек).
Джашла джыйылыб шахарда ашаргъа-ичерге кирирге тебрегендиле да, Граугъа тюбеб, аны да биргелерине элтгендиле. Ашагъандыла, ичгендиле. Ачха тёлей тебрегендиле. Джашланы ачха чыгъаргъанларын эслеб, Грау да джангыз апасчыкъ табыб, аны чыгъарыб: «Джашла, къыйналмагъыз, магъыз, мени ачхамы беригиз», - дегенди. «Айхай-айхай, бизге артыкъ да иги, бер былай», - деб, джашла Грауну апасын алгъандыла. Борчларын тёлеб: «Ма, Грау, ачхангы артыгъын къайтардыла», - деб, апасны тёрт шай этиб, ызына бергендиле. Артда, элге келгенлеринде, Грау: «Бир апасым бар эди да, аны бердим да, талай джаш да болуб, ашагъан-ичген да этдик дагъыда тёрт шайым да къалды», - дегенди. (Апас - 20 капек, шай - 5 капек).
БЕГЕУЮЛЧА СЮЕЛИБ
Ёрге сюелиб, сир къатыб тургъаннга айтылады. Бурун заманда ханланы бегеуюллери болгъанды. Саубитген джашла. Къолларында сауутлары-сабалары. Ханны къатында, эки джанында сюелиб, сир къатыб тургъандыла, ханнга хыянат болмазча. Ала ханны сакълаууллары болгъандыла.
Ёрге сюелиб, сир къатыб тургъаннга айтылады. Бурун заманда ханланы бегеуюллери болгъанды. Саубитген джашла. Къолларында сауутлары-сабалары. Ханны къатында, эки джанында сюелиб, сир къатыб тургъандыла, ханнга хыянат болмазча. Ала ханны сакълаууллары болгъандыла.
«ДЖАШЧЫКЪ, КЪЫЗЧЫКЪ ДЕБ ДА БАРДЫ...»
Биреулен бара тургъанлай, бир терен къулакъны ичинде бир къара ёгюзню тагъылыб тургъанын эслегенди. Андан озуб, бир къошха джетиб, кече къалыргъа къайтханды. Сёлеше келиб, къонакъ аланы ёгюзлери тас болгъанын ангылагъанды. Аны аллына джауорун салгъандыла. Анга къарагъанды да: «Къулакъ ичинде бир къара ёгюз барды, былайдан былай аугъанлай», - дегенди. Джашла, чабыб барыб, ёгюзню табыб келгендиле. Къонакъгъа бюсюреу этгендиле. Талай замандан бара барыб, ол биягъы адам биягъы къошха къайтханды. Къошдагъыла анга биягъынлай джауорунну бергендиле да: «Келин ауурду, не табарыкъ эсе да, бир кёз джетдир, къонакъ, ол джол ёгюзюбюзню табхан эдинг да бир бек къууандыргъан эдинг. Сенича устагъа кёз ачмагъанбыз!» - дегендиле. Амалсыз болуб, киши джауоруннга къарагъанды, алай а не дерге билмегенди да: «Джашчыкъ деб да, къызчыкъ деб да барды», - дегенди. Кёб турмай юйден сюйюмчюге адам келгенди: «Келин джаш да, къыз да табханды!» - деб. Адам былай деб бир оюмну айтмай, алай да, былай да болур деб, экили айтса, айтадыла башындагъы сёзлени.
Биреулен бара тургъанлай, бир терен къулакъны ичинде бир къара ёгюзню тагъылыб тургъанын эслегенди. Андан озуб, бир къошха джетиб, кече къалыргъа къайтханды. Сёлеше келиб, къонакъ аланы ёгюзлери тас болгъанын ангылагъанды. Аны аллына джауорун салгъандыла. Анга къарагъанды да: «Къулакъ ичинде бир къара ёгюз барды, былайдан былай аугъанлай», - дегенди. Джашла, чабыб барыб, ёгюзню табыб келгендиле. Къонакъгъа бюсюреу этгендиле. Талай замандан бара барыб, ол биягъы адам биягъы къошха къайтханды. Къошдагъыла анга биягъынлай джауорунну бергендиле да: «Келин ауурду, не табарыкъ эсе да, бир кёз джетдир, къонакъ, ол джол ёгюзюбюзню табхан эдинг да бир бек къууандыргъан эдинг. Сенича устагъа кёз ачмагъанбыз!» - дегендиле. Амалсыз болуб, киши джауоруннга къарагъанды, алай а не дерге билмегенди да: «Джашчыкъ деб да, къызчыкъ деб да барды», - дегенди. Кёб турмай юйден сюйюмчюге адам келгенди: «Келин джаш да, къыз да табханды!» - деб. Адам былай деб бир оюмну айтмай, алай да, былай да болур деб, экили айтса, айтадыла башындагъы сёзлени.
{jcomments}
