Школла РФ-ны билим бериуню министри Сергей Кравцовну хар окъуу ыйыкъны Эресейни гимни бла, кърал байрагъын кёлтюрюу бла башларгъа деген оюмун джакъларыкъдыла.

Бизни республикада ол джангылыкъны Черкесск шахарны 18-чи номерли гимназиясында бардырыб кёргендиле. Хар ыйыкъны Эресейни гимни эмда кърал байрагъын кёлтюрюу бла башлау республиканы болгъан школларында да сингдирилликди.

«Ол башламчылыкъ сохталаны патриот сезимлерин ёсдюрлюгюне, Ата джуртларын сюерге, къазауатны джылларында ёлгенлеге сый берирге, Эресейни ариу табигъатын сакъларгъа дагъыда кёб ашхы затха юретиригине ишексизме», - деб джазгъанды Темрезланы Рашид Телеграм-каналында